Sit á bókhlöðunni og þarf virkilega á því að halda að lesa í málvísindum....er búin að skanna allt sem mér dettur í hug í netinu...og hvað er ég að gera núna? lesa? neeeeei,...ég ákvaða ð blogga!
Það er búið að vera alveg meira en nóg að gera hjá mér síðustu dag, svona fyrir utan endalaust verkefnaskil og próf í skólanum, þá er alltaf e-ð annað sem fellur til; vinna, fara með Mike að kenna út um hvippinn og hvappinn, fara á fundi...ég fer í vinnuna, skólann, læri, snýst e-ð og svo er bara komið kvöld og ég dottin í beddann.
Ég skemmti mér samt konungleg við þetta allt saman, ekki misskilja mig! Það er bara eitt sem pirrar mig við að vera í námi, en það er þetta endalausa samviskubit sem það kemur inn hjá manni, maður gæti nefnilega alltaf verið að læra skiljiði! En það er auðvitað ekki mögulegt....þó að það væri mögulegt að eyða mun meiri tíma í námið en ég er að gera :os En það er alveg sama hvað maður gerir, þó að maður eyði löngum tíma með bækurnar fyrir framan nefið, þá einhvern vegin klárar maður aldrei að læra...svo fer maður að eyða tímanum í e-ð annað og þá er ég alltaf með svona "ahh....ég ætti að vera að læra" tilfinningu á bak við eyrað....mér finnst það ekki skemmtilegt!
Við Mike tókum okkur samt smá frí frá öllu og fórum aðeins út fyrir borgarmörkin um síðustu helgi, fórum Hótel Rangá og vorum þar frá laugardegi fram á sunnudag...það var mjöööög ljúft. Rosalega flott hótel og við fengum svona Junior suite, með risastóru nuddbaðkari, einka heitapott úti á verönd, risa flatskjá....við slöppuðum rosa vel af, borðuðum góðan mat og létum stjana við okkur...hið ljúfa líf á þessum miklu kreppu tímum! ;o)
Annað kvöld er ég að fara í sumar-loka-uppskeru-hátið Bláa Lónsins og allra helstu ferðaþjónustu aðilla í RVK. Það  er víst alltaf e-ð rosa dæmi, við hittumst öll í fordrykk í Hreyfingu og förum svo þaðan í rútum í BL þar sem við förum í lónið og spa, gerum okkur svo fín og sæt, og svo er dinner í Lava restaurant...þemað er "suðrænt og seiðandi", fólk beðið um að mæta í einhverju rauðu og svo verða þarna spænskir dansarar og Tómas R. Einarsson & co. sjá um tónlistina allt kvöldið. Hljómar vel, og það er mjög góð mæting úr vinnunni minni svo að ég býst við góðri skemmtun! :)
Svo á föstudagskvöldið er hrekkjavökuparty hjá nokkrum tungumáladeildum HÍ, þar á meðal spænsku..svo að ég verð að vinna í því að redda mér búning fyrir það...svo ætla ég að henda mér noður í sæluna í laugardagsmorgun, ég hef ekki farið síðan um versló og það er einfaldlega of langur tími liðin, svo ekki sé meira sagt! Mike ætlar að verða eftir hér, því að það er e-ð rosa húllumhæ í vinnunni hans alla helgina :)
Gott og spennandi plan framundan og í tilefni af því ætla ég að opna bækurnar mínar núna....
Þangað til næst!
Sandra

Já, ég skal nú alveg trúa því að mörgum hafi brugðið við að koma hingað inn! Mér fannst þessi dökki bakgrunnur ekki kúl, það er alveg orðið nógu dimmt úti...þannig að þessi varð fyrir valinu frekar, ekki aðeins skárra? En hvað er málið með það að "kubbarnir" geti bara verið ALLIR hægra megin eða ALLIR vinstra megin?? Það finnst mér ekki töff, en sá ekki að ég gæti haft það neitt öðruvísi....en það er reyndar ekkert að marka mig þegar kemur að tölvumálum...
En talandi um myrkur....ég á við mjög pirrandi fötlun að stríða...ég get ekki sofið þegar byrjar að rökkva svona...jú, frekar öfugsnúið en ég bara get ekkert að þessu gert! Ég var svona allan síðasta vetur, það er ekkert mál að sofna, það gerist 1,2 og 10 um leið og eyrað snertir koddann...en svo er mín vöknuð ca. klukkutíma síðar og nær ekki að sofna vel aftur, en ef það tekst eftir mikla áreynslu þá er ég vöknuð aftur í síðasta lagi klukkan 06! Og ef marka má 2 síðastliðnar nætur þá ætlar þessi leiðinlegi siður að taka upp á sér aftur þennan veturinn....en á sumrin, þegar það er enging nótt, þá sef ég eins og ungabarn...þetta stríðir svo gegn öllum reglum....

Á skalanum 1-10 hvað er singing bee þátturinn á skjá einum vandræðalegur?? uuummm....svona 13-14! Ég sit og engist um í rauða sófanum þegar þessi þáttur á sér stað á skjánum...þið sem búið fjarri klakanum góða ættuð endilega að ná í eins og einn þátt á netið, ég lofa ykkur því að það lætur allt annað sjónvarpsefni hækka upp um 10 stig á gæðalistanum!
Ég flúði einmitt umræddan þátt í gærkvöldi og fór í einhverju vandræðahrollskasti að gera heitan vanillu búðing....umm hvað það var gott! Ég hafði ekki fengið svona síðan ég var lítil, en hún elsku mamma gaf okkur um daginn næstum fullan ískáp af alls konar bláberja afurðum og þar á meðal saft í mörgum flöskum...ég fór að velta fyrir mér hvernig ég ætti að nota saftina, öðruvísi en að fá mér eina skeið af henni eftir lýsis skeiðinni á morgnana, og mundi þá allt í einu eftir heitum vanillubúðing með kanilsykri og bláberjasaft....og ég skal segja ykkur það, þetta var hreinn unaður! Þar sem við sátum í rauða sófanum og hámuðum góðgætið í okkur virtist hárið á Jónsa (stjórnanda singing bee) meira að segja nálgast það að vera allt í lagi...þó að það sé bara öðru megin á hausnum á honum!

Ég er að fara í málvísindatíma, það er stuð.... og svo að klára verkefni í ritvísindum...það er ekki eins mikið stuð. En ég fékk út úr fyrsta háskóla prófinu mínu í gær, og var mjöööög sátt við útkomuna, svo að það var gott :)

Þangað til næst.
Sandra
P.S. Til hamingju með afmælið í gær Sólveig!
Til hamingju með afmælið í dag Hugrún!

Ég ætla ekki að byrja þessa færslu á einhverju eins og "langt síðan síðast" eða e-ð svoleiðis...svona bara er þetta, stundum hefur maður ekki tíma né nennu til að halda þessu við...en bara gott mál þegar það svo gerist!
Ég ætla ekki heldur að tala um ástandið í landinu, segi bara eins og í auglýsingunni "Fyrst ég þarf ekki að vakna klukkan 04 á nóttunni til að ganga 30 km til að sækja vatn fyrir fjölskylduna mína....þá myndi ég segja að ég væri bara í ágætis málum" ...
Og síðast í ég-ætla-ekki flokknum er: ég ætla ekki að rifja allt upp sem hefur gerst síðan ég skrifaði síðast...
Það sem ég hins vegar ætla að gera er að skrifa smá um hvað er upp á teningnum hér í höllinni í Árbænum...
Ég er sumsé byrjuð í HÍ, í spænsku...svona til að byrja einhversstaðar, veit enn ekki hvað mig langar að verða þegar ég verð stór, en ég er allavega byrjuð á einhverjum enda. Mér finnst rosalega gaman, það er fullt að gera, ég hef auðvitað svolítið forskot vegna þess að ég hef alveg ágætan grunn...en í fögum eins og málvísindum td, sem er mjög mikil fræði er ég alveg Qué?! kann ekki mikið af svona fræðiorðum..ekki einu sinni á íslensku, og svo tók ég einn aukaáfanga, auka málfræðiáfanga....evúhú! En ég býst við að taka bara þetta ár, hafa spænsku sem aukagrein með guð-má-vita-hverju-greininni sem aðalgrein svo að ég skellt inn einum auka málfræði til að geta klára bara alla málfræði sem kennd er við háskólann á þessum eina vetri.
Svo er ég nú enn að vinna á IcelandTravel, í 50% með....ég tímdi ekki að sleppa hendinni af öllum fríðundunum sem fylgir þessari vinnu...híhí!  En það er mjög fínt að vera þar með, ég er komin aftur yfir í einstaklingsbókanir og hef sveigjanlegan vinnutíma sem er mjööög gott...og núna er alveg nóg að gera í því skal ég segja ykkur! Núna vilja allir flykkjast til Íslands í verslunarferð...fór einmitt í Kringluna áðan..það var mjög svo spes, Kringlan troðfull af útlendingum sem voru eins og brjálaðir Íslendingar í H&M! 
Mike minn er svo alveg rosalega dúlegur! Hann vinnur og vinnur á St. María og svo er alveg crazyness að gera í salsanu...ég sé ekkert alltof mikið af honum! Hann er búin að taka eitt námskeið í íslensku og er orðin alveg djéskoti lunkinn...ég fann svo upp nýja tegund af veggfóðri, kýs að kalla það Le post-it veggfóður, sem er fallega heiðgult á lit og skreytt íslenskum heitum á öllu mögulegu og ómögulegu, sem það er svo límt á. Svo labbar Mike um höllina og les upphátt; "eldhússkápur, hurð, krani, sjónvarp, fataskápur, klósettpappír...." +
Við vorum búin að skipuleggja rosa ferð til Noregs-Svíþjóðar og Danmerkur, búin að vera á planinu lengi, en alltaf verið að bíða eftir góðum tíma, sem var búið að ákveða að yrðir næsti þriðjudagur og næstu 10 dagar eftir það...uum nei! það var svo eyðilagt pínu fyrir okkur og ferð hefur verið frestað um óákveðin tíma. Við stökkvum um leið og það verður fært, ég fæ flugmiða á klink í gegnum vinnuna og get bókað degi fyrir brottför...svo að við bíðum bara í startholunum.
Mallinn kallar á mat...brauð með nýreyktum laxi veiddum af elsku pabba verður við því kalli....
Sandra

Já gott fólk, ég er stödd á Höfn í Hornafirði akkúrat núna, afhverju? jú vegna þess að ég er einskonar co-guide fyrir Iceland travel! :) Ég er í hringferð um landið með hóp af 45 Spánverjum og spænskum guide, þar sem hópurinn er svona stór var tækifærið nota til að hafa "afsökun" fyrir að taka mig út af skrifstofunni og fara með til að aðstoða og komast að því hvernig þetta gengur fyrir sig....þörfin á spænskumælandi leiðsögumönnum er þvílík og slík að við þurftum að flytja tvo inn til landsins til að leiðsegja....svo að það er aldrei að vita nema maður fari einn-tvo hringi næsta sumar, það væri geggjað!
Enn sem komið er finnst mér þetta með því skemmtilegra sem ég hef gert! (fyrir utan að ferðast um heimin sjálf). Dagarnir eru langir og mikið gert yfir daginn svo að maður kemur alveg búin á því inn á hótel á kvöldin en maður hvílist líka þvílíkt vel á landsbyggðarhótelunum ;)
Í gær fórum við frá RVK-bláa lónið-gullfoss-geysir-seljalandsfoss-skógarfoss-Vík í dag var Vík-Núpsstaðir-skaftafell-jökulsárlón (þar sem ég leiðsagði í fyrsta skiptið ein)-vatnajökull á sleða-og Höfn....það var svo geggjað á jöklinum í dag, bjart og fallegt  og frábær fjallasýn og inn á jökul, og fá að þeysast þarna um á sleða er náttúrulega engu lagi líkt!
Hópurinn er góður, fólk frá unglingum og upp úr, en allir svo áhugasamir og spenntir, og margir þvílíkt fróðir um Íslandi, er búið að langa að koma hinga lengi og hafa lesið og lesið um landið....og það að fá að upplifa landið svona í beinni í gegnum útlendinga er ótrúlegt....maður lærir að horfa á það með allt, allt öðrum augum og ég held að meta það mun meira.
Annað sem kemur mér mjög vel vinnulega séð við þessa ferð að ég fæ að sjá andlitin á fólkinu sem ég hringi nær vikulega í til að redda hótelum, til að redda mat, til að redda sleðaferðum, til að redda safnaferðum....til að redda öllu mögulegu, og það er ekkert smá gaman að hitta allt þetta fólk í persónu og ég held að samskiptin héðan af eigi eftir að verða allt önnur en hingað til, þau hafa verið mjög góð í flestum tilfellum en það er bara allt annað að tala bara við fólk í gegnum síma/mail en að hafa hitt það og kynnt sig almennilega.
Ég ætla ekki að hafa þetta mikið lengra, ég ætla í heita sturtu og beint upp í rúm, á morgun förum við alla Austfirðina og inn á Egilsstaði, og ég þarf að fara í heimsókn á 2 hótel hér á Höfn áður en við leggjum í hann héðan klukkan 09:30 í fyrramálið  :)
Ég set inn framhald af ferðinni þegar ég kem heim....
Sandra-guide lærlingur.

Núh! Ef ég hefði nú vitað að allur þessi fjöldi fólks kæmi reglulega hingað til að athuga með mig, nú þá væri ég búin að blogga miklu meira!
Ég ég búin að eiga svo erfiðan dag í vinnunni....ég vaknaði í morgun og mig verkjað í allan líkamann...ef ég þekkti mig ekki betur hefði ég haldið að kannski hefði ég farið í ræktina í gær og það hefði svo bara þurrkast úr minninu....eeeeen nei, þessir verkir stöfuðu af miklum dansi og tjútti á Buena Vista Social Club tónleikum í gær. Ég veit ekki alveg hvernig ég á að lýsa þessum tónleikum fyrir ykkur....ég held að þetta hafi kannski komst nálægt því að vera andleg upplifun fyrir mér...veit ekki hvernig hún er skilgreind, en ég fékk nokkrum sinnum kökk í hálsin, var með gæshúð ALLAN tímann og hefði viljað stoppað tímann um óákveðin tíma. Þau eru svo frábær, auðvitað er þorrinn úr upprunalega hópnum horfin, en þau sem enn eru í sveiflu eru svo frábær!  Ég á heimildarmyndina um þau og er næstum búin að gera gat á diskinn held ég, búin að horfa á hann svo oft! Þannig að mér fannst ég líka bara þekkja þau pínu...öll þeirra saga og þeirra líf hefur verið svo ótrúlegt! Ég gæti skrifað heillangan pistil um þau....en ætla ekki að þreyta ykkur á því. Nóg að segja að þetta voru frábærir tónleikar og ég á eftir að lifa lengi á þeim!
Núna er helgin alveg að renna í hlað og á mínu plani er ættarmót norður í Skagafirði...Mike kemst ekki með, þarf að vinna....svona ykkur að segja þá reyndi hann held ég ekkert svo mikið að skipta vöktum....og ég skil hann mjög vel! En ég og bróðir ætlum að bruna norður í fyrramálið  með pjakkinn aftur í, það verður bara stuð, eins gott að þetta geggjaða veður sem hefur verið á norðurlandinu haldi sér yfir helgina!
Hafið það gott um helgina...
Sandra
P.S. Mel Gibbson er á Íslandi á vegum vinnunnar minnar....tööööff! ;)

Halló...mér líður pínu eins og ég sé að gæjast hér inn....kíkir einhver hérna við lengur??
Ég ætla allavega að prófa.
Hér á bæ er allt í góðum málum, tíminn þýtur áfram en við njótum lífsins, er þá takmarkinu ekki náð?
Í vinnunni hjá mér er alltaf mjög svo nóg að gera! Hver hópurinn kemur hver á fætur öðrum og það þarf ekkert endilega að vera neitt einfalt mál að koma þeim hringinn í kringum landið, allir á sama hótel, sjá um mat, afþreyingu, rútur, leiðsögumenn you name it...en mér finnst þetta samt rosa skemmtilegt stúss og stress. Svo hef ég verið að fara út á flugvöll og sækja hópana og koma þeim á hótelin....og svolítið ekta ég; mér finnst það svooo skemmtilegt! Þó svo að ég hafi þurft að bíða í 2 klst vegna seinkunnar á flugi um hánótt á Keflavík með hundleiðinlegum rútubílstjóra þá kem ég upptendruð heim um 5 á morgnana því mér fannst svo gaman að hitta fólkið, spjalla við það og upplýsa það um hina ýmsu hluti....er þetta að segja mér starfsframi->tölvur NEI, fólk JÁ??
Hann Mike minn vinnur líka mikið, hann er alltaf með fulla tíma í salsa og svo þess á milli er hann í miklum hasar á Santa Maria, fólk virðist vera fara yfir um út af súper ódýrum, ekta EKTA mexikönskum mat...hann er mjög ánægður, finnst hann pínu vera komin heim út af stemmingunni en er duglegur að æfa íslenskuna sína á útbelgdum Íslendingum.
Við höfum reynt að vera dugleg að nota frítíman sem við eigum saman sem er ekkert svo mikill, og gera e-ð skemmtilegt... við erum búin að fara í 2 alvöru útilegur!! Sem innihéldu; mikin akstur, göngur, skoðunarferðir, tjöld,a grill og alles! Alveg geggjað! Það er svo langt síðan ég hef ferðast um landið, og það er svo frábært!
Svo erum við orðin miklir áhugamenn um kaffihús/bari...oft þegar við héngum heima glápandi á sjónvarpið sagði Mike stundum: afhverju kíkjum við ekki e-ð út? og ég varð þvílíkt hneyksluð og sagði: núna?! það er  þriðjudagur! og hann sagði já....og?
Í eitt af þessum skiptum gerðist ég mjög djörf og sagði ok, kíkjum út...og viti menn! Mér opnaðist nýr heimur! Á einhvern undarlegan hátt er rosalega afslappandi að fara á notalegt kaffi hús eða bar og fá sér eitthvað gott að drekka og bara sitja og spjalla og horfa á mannlífið, þó svo að staðurinn sé pakkaður og mikil læti þá er samt einhvernvegin ótrúlega mikli hvíld í þessu,þetta er hvíld frá því að fara beint í heimagallan þegar heim er komið og límast svo við skjáinn...og auðvitað á meðan við erum svona laus og liðug, saman en laus við meiri bindingar skiljiði, þá auðvitað eigum við að njóta þess að geta gert svona hluti...svo að ég er búin að rífa mig upp af sófanum, eeeekki til að fara í ræktina heldur til að fara út og gera e-ð skemmtilegt hvenær sem tækifæri gefst!
Jæja, ég held að þetta sé nóg af gaspri í bili..sérstaklega ef engin les þetta svo á endanum!
Ég ætla að henda mér á beddann...mjööög svo spennandi dagur á morgun, BUENA VISTA TÓNLEIKAR!!! Það verður magnað, ó já!
Ég ætla ekki að lofa neinu um framhaldið en eitthvað segir mér að pistlarnir muni koma örar hingað inn þegar líða tekur á haustið...fer maður ekki alltaf að blogga þegar maður á að vera að læra?? Já! haldiði að gamla ætli ekki að setjast á skólabekk í haust! HÍ er málið og spænska byrjunarreiturinn....
Hasta la proxima!
Sandra

jæja...hér er allt að gerast! Ég í alvörunni skil ekki hvert tíminn fer, ég hef oft heyrt fólk tala um hvað tíminn fljúgi, finnst það oftast vera "fullorðna fólkið" sem er að tala um það, en þetta er ekkert spaug! Mér finnst ég bara vera nývöknuð þegar ég er að leggja höfuðið á koddan á kvöldin. Það er svosem alveg nóg að gera, en samt ekkert svona sérstakt, bara vinna og svo e-ð stúss...en alltaf er e-ð stúss!
Vinnan gengur mjög vel, fólk flykkist til eyjunnar norður í hafi og virðist ekki láta verðbólgu og verðhækkanir stoppa sig...ég er búin að eiga nokkur mjög skemmtileg símtöl til Spánar...og nokkur mjööög vandræðaleg...
En andinn hér er góður, alltaf e-ð um að vera og stuð!
Þarf e-ð að ræða júróvísjón?? Ég er mjög mikill áhugamaður um þessa keppni og skemmti mér alltaf stórvel yfir henni ár hvert, leytaði hana meira að segja upp þegar ég var í Guatemala! Keppnin í ár var engin undantekning, mikið um glamúr, skemmtilega lélega ensku, og alltof hresst fólk mér fannst hún nú bara stór góð og okkar fólk standa sig mjööög vel! Mitt uppáhaldslag var samt það franska....hann var bara of töff...með sólgleraugun, skeggið og mjög svo afslappaður...o o o oooo...haha...svo glaður með þetta allt saman bara!
 Ég náði meira að segja að smita áhuga mínum yfir á Mike, hann var mjög spenntur yfir þessu öllu saman, en þegar kom svo að stigagjöfinni var hann ekki eins sáttur og sama hvað ég reyndi að útsýra fyrir honum að þarna væri hugsunarhátturinn "mestu skiptir að vera með og hafa gaman af því" í sinni hreinustu mynd, hann varð ekki sáttur! En VIÐ erum með besta lagið! Sjáðu! þeir gáfur OKKUR ekki einu sinni stig!!! haha...hann var ekki ánægður með úrslitin...ég hélt nú reyndar líka að við yrðum ofar...það er nokkuð ljóst að ég fæ ekki neitt af öllum þeim fjölmörgu bjórkippum sem eru í pottinum hér í vinnunni, veðjaði ekki á rétt sigurlag, né okkar sætaskipan....en well. Við Mike vorum í einkaparty hjá Sigga bróðir, grill og læti...þeir drengir urður vel kátir sem leið á kvöldið og Sandra litla systir keyrandi :) Eftir smá miðbæjartölt og baraheimsóknir enduðum við í dúndrandi sveiflu á Pál Óskari á Nasa...það var geðveik stemming! Palli er náttúrulega bara snillingur.
Ég notaði svo sólardaginn í gær til að flatmaga í sundi....uppskar brennda bringu og kinnar...töff Sandra...var að deyja úr hita í alla nótt, sparkaði og hnoðaðist við að sparka ofan af mér sænginni...Mike mjög ánægður með mig....bringan er enn rauð, kinnarnar minna...ég er bara að verða rosa brún og sælleg! En svo fer nú e-ð minna fyrir sólinni í dag, voðalega grámyglulegt að horfa út um gluggann.
Caroline vinkona okkar frá Guatemala, hún er ekki frá Guatemala en við kynntumst henni þar, er flutt aftur heim til Þýskalands og var varla fyrr komin þangað en hún ákvað að koma til Íslands að heimsækja okkur! :o) Við erum alveg rosalega spennt..erum búin að vera að gera íbúðin klára svo hún verði í sínu besta standi þegar hún kemur...sem er bara núna á fimmtudaginn...og hún verður í 2 vikur hjá okkur. Það verður alveg ótrúlega gaman að hafa hana hjá okkur...við vorum svo mikið saman úti...ég veit ekki hvort að þið munið eftir því að ég bloggaði um það skipti þegar við Caroline fórum á markaðinn, sem var nú ekkert merkilegt, nema hún keypti 10-12 skjaldbökur í bala svo að þær yrðu ekki soðnar og settar í súpu....haha...hún er svakaleg grænmetisæta...það er það eina sem veldur mér áhyggjum...við Mike erum eins langt frá því að vera gænmetisætur og hægt er...ég kann ekkert að elda e-ð svona baunadæmi og e-ð...æi við reddum því!
Vinnan kallar...þarf að fara að huga að matseðlum fyrir spænska hópa sem eru aaaalveg að koma, passa að þeir fái nú ekki fisk öll kvöldin!
Sandra
P.S. Gunnur!! Ég var svo glöð í lokin að sjá að þetta varst þú! ég var farin að halda að það væri e-r geðveik Hildur á höttunum eftir mér! HAHAHA! Við verðum alltaf í bandi, og ég veit að þú passar nú vel upp á Che fyrir mig, no worries! ;) Láttu endilega vita af þér hér, er með myndina af þér með rúllur í hárinu og Camel í munnvikinu fasta í hausnum...hahaha!..ert þú ekki að ausa úr viskubrunnunum einhversstaðar líka??

...ok bara fyrir ykkur elskurnar!
Ég er í vinnunni, það er brjálað að gera og til að vera aaaalveg hreinskilin, þá langar mig að gera allt annað en kveikja á tölvunni þegar ég kem heim eftir vinnu....svo að blogg hefur setið svolítið á hakanum.
En það er brjáluð dagskrá næstu daga; salsa samkunda í kvöld, prófloka/inmfluttnings party annað kvöld og salsa party á laugardagskvöld...svo þarna einhversstaðar inn á milli er vinna, salsatímar (það er workshop um helgina sko), hitta elsku Ossky Oslóbúa og kannski pínu svefn!
EEEn ég skal gera mitt besta og rita hérna inn fyrripart næstu viku...lofa samt engu!
Og elsku Stella mín, ég stend við gefin loforð, um leið og ný myndavél kemur í hús smelli ég af í gríð og erg og set hingað inn...te prometo!
Vona að allir hafi það gott!
Sandra

já....alltaf svona mikið fjör á öllum þeim sem virðast kíkja hingað inn...ég held samt áfram að babbla e-ð hérna...
Hér er allt að gerast! eða svona...við erum hress allavega!
Það merkilegasta í fréttum er að við erum búin að festa kaup á þessum líka ótrúlega fína RAUÐA sófa...og núna erum við ossa busy við að láta fara vel um okkur í sófanum okkar. Sófinn var keyptur á föstudaginn í nýju uppáhalds búðinni minni, IKEA. Mike var að vinna fram á kvöld og ég fór í hvítvínssúp-ostaát-nýr despós þáttur kvöld hjá Sólveigu...þannig að sófanum var bara hent hingað inn, innpökkuðum og ósamansettum, Mike fór í vinnuna og ég í programmið hjá Sólveigu. Við komum svo heim, löngu eftir miðnætti þessa nótt, Mike vel þreyttur eftir annasamt vinnukvöld og ég....jah, hress eftir annasamt hvítvínskvöld...en nei! saman skildi sófinn fara, það breytti öllu að geta sett hann upp NÚNA en ekki eftir nokkra klukkutíma af svefni...þannig að saman fórum við í þetta verkefni...ekki það að þetta hafi verið einhver geimflaugavísindi....en akkúrat þessa stundina var ég ekki svo hjálpleg við að lesa úr leiðbeiningunum...Mike sá meira um það, sagði mér svo bara hvað skildi gera á milli þess sem ég bisaðist við að gera samlokur í grilli handa okkur...saman komst sófinn á endanum og rétt fyrir sólarupprás sátum við ægilega ánægð í nýja RAUÐA sófanum okkar og átum sveittar samlokur í grilli!
Núna eru svo uppi háleitar hugmyndir um fleiri betrumbætur hér í höllinni, má þar nefna sófaborð, skenk, veggfóður á skáp...og auðvitað öllu umstanginu sem fylgir að koma hlutunum á sína rétta staði svo að allt fari sem best og njóti sín...þetta mun allt saman gerast með tíð og tíma.
Bara 2 dagar eftir í leikskólanum, og þrír dagar í 100% nýja vinnu...sem er svona gott/vont, ég verð voðalega fegin því að vera að vinna bara eina vinnu og vera að vinna bara yfir daginn....ég er orðin of gömul í svona bras...án djóks! ég finn það bara, ég nenni ekki að standa í svona brasi núna....en fram að þessu hef ég alltaf unnið allavega 2 vinnur, fannst ég þá bara vera svona la la...var góð með 3...en núna myndi ég aldrei meika þetta í svona langan tíma heldur....hvað er þetta nema aldurinn?? Maður þarf e-ð að fara að hugsa sinn gang held ég .....
En það verður erfitt að hætta á leikskólanum, ég á eftir að sakna þeirra allra svoooo mikið, samstarfskellanna minna líka....ég hafði alveg ótrúlega gott af því að prófa þetta starf og mér þykir alveg svakalega vænt um þessa reynslu....líka út af því að manni fannst maður svolítið mikilvægur í sambandi við þær systur og að maður væir virkilega að gefa af sér og hjálpa. En ég er nú alls ekki búin að slíta á þessa taug með öllu, ég á eftir að kíkja reglulega í kaffi og líka að fylgjast með þeim systrum, þó að það verði kannski á öðrum vettvangi.
Farin að halda áfram að hangsa...skiljið nú eftir spor....koma svo!
Sandra

Mig langaði rosalega að skrifa rosalegan pistil í dag, ætlaði að herja svakalega á vandamál samfélagsins í dag, skuladsöfnun ungs fólks, pólverjavesen, íslensku krónuna....þið vitið...en ég bara nenni því ekki! Það hefur verið svolítið mitt attitjúd í dag, æi ég nenni því ekki! Skrítið þegar koma svona dagar....
Annars er bara allt fínt að frétta sko, alltaf líf og fjör!
Ég er farin að kvíða því svolítið að hætta á leikskólanum, á eftir að sakna barnanna alveg roooosalega, þau eru alveg frábær! Annars fékk ég góða tillögu um daginn, ég var með samverustund með elstu börnunum og við vorum bara svona að spjalla um daginn og vegin, þegar ég fer að spyrja þau hvað þau langi að "verða" þegar þau verði stór....margt forvitnilegt kom út úr því; " ég ætla að verða lögga ooooog bófi, þá verð ég aldrei settur í fangelsi"  "ég ætla að verða bakari því að ég eeeelska súkkulaðisnúða" "ég ætla að verða jarðfræðingur eins og pabbi"...svona gekk þetta hringinn, svo var hringnum lokið og ég spyr krakkana hvort að þau langi ekkert að vita hvað mig langi að verða þegar ég verði stór....flest andlitin duttu niður á gólf...þegar þú VERÐUR stór, já en þú ERT stór!! Og þú ERT leikskólakennari.....já ok, ég tók því að ég væri orðin stór, hugsaði með mér til að róa mig, þau eru bara börn auðvitað er ég stór í þeirra augum, en ég er það ekki neitt! En leikskólakennari væri ég ekki....þetta var bara of mikið, þau náðu ekki utan um þetta, hvernig gat það verið að ég væri orðin stór en væri samt ekki orðin neitt....ekki einu sinni búin að ákveða það!! Og alltaf heyrði ég það sama: já en þú ERT stór! Ég reyndi að útskýra, ég væri búin að ákveða svo margt, einu sinni ætlaði ég að verða læknir, hætti svo við það, svo ætlaði ég að verða kennari, hætti svo við það, svo ætlaði ég að verða ljósmóðir hætti svo við það....og svo videre...þið sem þekkið mig náið myndinni....og ég sagði þeim að þetta væri bara svolítið flókið mál, að ætla að ákveða bara rétt sí svona hvað maður ætlar að VERA...en allt kom fyrir ekki, ég ER orðin stór og svo kom lausnin á þessu grafalvarlega vandamáli mínu, " afhverju ferðu ákveðuru ekki bara að vera leiksólakennari og verður leiksólakennari hér???...já afhverju ekki...ég kom mér undan þeim svörum...þegar ég fylgdi þeim í hádegismat óskaði ég þess að þau myndu muna eftir þessari umræðu þegar þau verða 23 ára og vita ekki neitt í sinn haus....það er samt frekar hæpið...en ég heyrði að sá sem átti hvað erfiðast með að melta þetta sagði við þá sem sat með þeim við hádegismatarborðið : " veistu HVAÐ? Sandra er EKKI ENN búin að ákveða hvað hún ætlar að verða þegar hún verður stór! og hún ER stór!!...þetta voru sumsé mjög uppbyggilegar umræður sem ég átti þarna með börnunum, sérstaklega fyrir mig þó!
Samfara því að vera í æi-ég-nenni-því-ekki gírnum hef ég haft mjög undarlegar cravings í dag...ég er búin að innbyrða fáránlega mikið af nammi í vinnunni í dag, venjulega stend ég mig vel í þeim pakka, er vel yfir kúrvunni í sykuráti...en í dag var alveg svakalegur, svo fór ég í Bónus að versla inn og þurfti m.a. að finna mér e-ð í kvöldmatinn, ég er ein þar sem Mike er að vinna, og ég bara gat ekki fundið neitt sem mig langaði í...ekkert var nógu spennandi, svo að ég keypti bara sitt lítið af hverju...svo þegar líða tók á kvöldið fór hungur að gera vart við sig og ég ákvað að fá mér bara nákvæmlega það sem mig langaði í....sem var franskar og avakdó stappað saman við lime safa og salt...bæði mjög gott í sitthvoru lagi...en saman...mjög undarlegt....en það var það sem mig langaði í og gúffaði ég þessu í mig og renndi niður með mixi...svo núna rétt áðan langaði mig svo í e-ð svona snarl yfir sjónvarpinu...opnaði skápa, skúffur og ískáp og endaði með ruccola salta, brytjuð epli og ristaðar furuhnetur í skál fyrir framan sjónvarpið....mjög gott salat...en mjög skrítið sjónvarpsnarl...en núna er ég mett og sátt. Veit ekki hvað er með þennan dag....ég vona að öll helgin verið ekki svona...væri of undarlegt.
Ég vona að þið njótið öll helgarinnar og séuð kát og glöð!
Sandra